མཐུན་ཚོགས་ཀྱི་སྐོར།

བཟོ་གྲྭ་ཚོང་ལས་དང་ལཱ་གཡོག་ལྷན་ཁག་གི་ ལས་མི་ལས་ཁུངས་ཀྱིས་ འགོ་འདྲེན་ཐོ་ ང་བཅས་ཀྱིས་ ཉེན་སྲུང་དང་ཁྱད་འཕགས་ཀྱི་ཞབས་ཏོག་གི་དོན་ལུ་ མཁས་རིག་གི་ཐབས་ཤེས་སྤྲོདཔ་ཨིནམ་དང་ མཁས་རིག་ལག་རྩལ་མཐུན་ཚོགས་ཀྱིས་ མི་སྡེའི་ ཆུ་དུང་བཅོ་མི་དང་གློག་མེ་བཅོ་མི་རྩིས་ཏེ་ ཡོངས་བསྡོམས་ ༡༩༠ དེ་ཅིག་ ངོ་སྦྱོར་འབད་ཡོད་མི་ འཐུས་མི་ཡོདཔ་མ་ཚད་ འཐུས་མི་ གྱངས་ཁ་འདི་ཡར་སེང་འགྱོ་བའི་སྒང་ཡོདཔ་ཨིན།

མཁས་རིག་ལག་རྩལ་མཐུན་ཚོགས་ཀྱིས་ ལག་རྩལ་མཁས་རིག་ཅན་གྱི་ལས་མི་དང་ བཟོ་རིག་སྦྱོང་བརྡར་སྤེལ་ཁང་ནང་ལས་ མཐར་འཁྱོལ་ཡོད་མི་སྦྱོང་བརྡར་པ་ དེ་ལས་ སྒེར་གྱི་ཐོག་ལས་ལྷབ་སྦྱང་འབད་ཡོད་མི་ལས་མི་དེ་ཚུ་དང་ དུས་ཐུང་གི་སྦྱོང་བརྡར་ནང་ སྦྱོང་བརྡར་འབད་ཡོད་མི་དེ་ཚུ་ གཞན་ཡང་ རང་རྐྱང་གི་ཐོག་ལས་ཚོང་ལཱ་འབད་དེ་སྡོད་མི་དེ་ཚུ་ལུ་ ལྷན་ཁག་དེ་ཚུ་དང་ ཚོང་མགྲོན་པ་ཁག་མ་འདྲཝ་དེ་ཚུ་ལུ་ འབྲེལ་མཐུན་འབད་ཐབས་ལུ་ སྒྲིག་བཀོད་ཅན་གྱི་ གོ་སྐབས་སྤྲོདཔ་ཨིན།

ལག་རྩལ་ཅན་གྱི་ལས་མི་དེ་ཚུ་ལུ་ ང་བཅས་ཀྱིས་ ལཱ་གི་གོ་སྐབས་དང་ མཁས་རིག་ཡར་དྲགས་བཏང་ནི་ དེ་ལས་ ལས་མི་མཉམ་རོགས་དེ་ཚུ་དང་གཅིག་ཁར་ ལཱ་གཡོག་གི་མཐུན་ལམ་བཟོ་ནི་དང་ སྤུད་ཚད་ཅན་གྱི་ལཱ་ ངོས་འཛིན་འབདཝ་ཨིན། དེ་མ་ཚད་ ཚོང་མགྲོན་པ་དེ་ཚུ་ལུ་ ང་བཅས་ཀྱིས་ ལཱ་གི་སྤུད་ཚད་དང་གཅིག་ཁར་ ལཱ་གི་གོང་ཚད་དྲང་སྙོན་ཅན་གྱི་ གོང་ཚད་བཟོ་ནི་དང་ དེ་ལས་ འགན་འཁྲི་དང་ ཚད་ལྡན་གྱི་སྤུད་ཚད་ ངེས་བརྟན་བཟོཝ་ཨིན།

ད་ལྟོ་ མཁས་རིག་ལག་རྩལ་མཐུན་ཚོགས་ཀྱིས་ ཆུ་དུང་བཅོ་མི་དང་ གློག་མེ་བཅོ་མི་ གཉིས་ལུ་ གཙོ་བོ་སྟོནམ་ཨིན་རུང་ རིམ་གྱིས་སྦེ་ ལཱ་གཡོག་དང་ལག་རྩལ་གཞན་དེ་ཚུ་ལུ་ རྒྱ་སྐྱེད་འབད་ནི་འཆར་གཞི་ཡོདཔ་ཨིནམ་མ་ཚད་ ང་བཅས་ཀྱི་རེ་དོན་འདི་ ལཱ་གཡོག་མེད་པའི་དཀའ་ངལ་བསེལ་ཏེ་ ན་གཞོན་དང་ ལག་རྩལ་ཅན་གྱི་ལས་མི་གོངམ་དེ་ཚུ་ལུ་ རྒྱབ་སྐྱོར་འབད་དེ་ དཔལ་འབྱོར་ཡར་དྲགས་བཏང་ནི་དང་ བློ་གཏད་དང་མཁས་རིག་གི་ཐོག་ལུ་ མཐུན་ལམ་བཟོ་སྟེ་ ང་བཅས་ཀྱིས་ ལཱ་གཡོག་གོ་སྐབས་ སྦོམ་དང་ཆུང་ཀུ་ག་ཅིག་ཨིན་རུང་ ཁྱད་འཕགས་ཀྱི་ཐོག་ལས་འབད་ནི་ཨིན།